Mánudagur. Hlaup með skokkhópnum og dagur 1 í armbeygjuþjálfuninni auk 15 mín. æfingu heima fyrir.

Árið byrjaði rólega og eftir hlaupið á Gamlársdag, tók við pása í 9 daga sem ekki alveg nógu gott, en það var mikið að gera hjá Evu í vinnunni og það var bara ekki tími. 

Þetta var flott hlaup, Hlaupið frá Ásvöllum, upp Áslandsbrekkurnar út á Kaldárselsveg, þaðan áleiðis upp á Kaldárseli, þaðan til baka framhjá Hvaleyrarvatni, áleiðis út á velli og að Ásvöllum. Gekk vel allan tímann, hélt púlsinum niðri og ákvað að hafa þetta þægilegt. Mjög sáttur við dagsverkið og þetta var fín reynsla í undirbúninginum fyrir hálfmaraþonið.

Frá því að ég byrjaði í þessu hlaupastússi, fannst mér t.d. 5 km frekar langt hlaup og hvað þá 10 km. Ég var að skrifa færslu á www.hlaup.com þar sem ég sagði að ég hefði tekið stutt hægt hlaup. 5 km á cirka 30 mín, þetta fannst mér allt of hratt og langt fyrir 4 mánuðum.En þetta er bara tilfinningin, ég er farinn að ráða auðveldlega við 5 km og finnst það stutt. En þetta er ekkert stutt, en formið er að koma hratt núna og ég er alltaf að berjast við að bæta mig. Ég hef góða tilfinningu fyrir hálfmaraþoninu og ef ég held áfram á þessari braut þá held ég að mér takist þetta ætlunarverk.

Það hefur nú margt áunnist síðan ég fann þetta snilldarprógram á netinu fyrir 4 mánuðum, ég byrjaði að hlaupa eftir þessu prógrami 14.september síðastliðinn og kláraði það í nóvember. Eftir að hafa klárað þetta þá gat ég hlaupið 5 km. á cirka hálftíma, þannig að þetta virkaði fyrir mig. 

Skelli mér á hlaupaæfingu með Haukum í morgun, það var ágætis veður, hlýtt en þónokkuð rok, ég áætlaði að taka 15 km. hlaup en verk dagsins var 14,2 km og því verða 15 km. að bíða til næsta laugardags.
; font-family: Verdana, Geneva, sans-serif; text-align: left; ">
Skokkað frá Ásvöllum, Ásbraut, Strandgata, Norðurbakki, Herjólfsgata, Garðaholt og áfram í átt að Álftanesi, til baka að Hrafnistu, tók aukahring þar og niður að Norðurbakka og Strandgötu, Ásbraut, Ásvellir, og smá auka hringur þar til að komast yfir 14 km. hlýtt í veðri og mikill mótvindur frá Álftanesi að Ásvöllum. Gekk vel og mjög sáttur við erfiði dagsins. Ég held að formið sé allt að koma og ef ég næ að létta mig aðeins þá mun ég ná takmarki mínu, þ.e. að hlaupa hálfmaraþonið skammarlaust, en stefni á 16 km hlaup næsta laugardag.

Við fjölskyldan skelltum okkur í Kringluna og þar voru Skoppa og Skrítla að kynna nýju sýninguna sína. Þar hitti Kári minn þær loksins, hann kann alla diskana utan af og er örugglega meðal dyggustu aðdáenda þeirra. En við keyptum svo miða á nýju sýninguna þannig að Kári var alsæll með daginn.

Hér eru myndir að Kára með Skoppu og Skrítlu sinni.

http://hlynur75.blogcentral.is/myndasafn/279471/

Nú styttist í Danaleikinn, er búinn að gíra mig í Liverpool gír, þar sem allt kemur mér á óvart og litlar væntingar eru fyrir hendi, en maður vonar allt það besta.

Ég stefni á 8-10 km hlaup á morgun þannig að ég hef þá náð að fara aftur yfir 40 km. þessa vikuna.

 

Over and out.

Hef verið ágætlega duglegur, fór á æfingu með skokkhópnum á mánudag og tók svo fínt kvöldhlaup í gær í þónokkru roki og rigningu. Ég notaði mannbroddana á æfingunni og þeir svínvirkuðu, ótrúlega gott að hlaupa á þeim og þeir verða notaðir aftur. Finnst það háleitt markmið að skokka yfir 40 km á viku, ég verð að sjá hvernig það gengur en ég ætla að vera eins nálægt því og hægt er. 

Ég setti mér markmið að hreyfa mig sex sinnum í vikunni og það tókst næstum því. 

Flott hlaup með skokkhópnum í dag, skokkaði rúmlega 12 km og fór rólega yfir. Fann að ég átti mikið inni og gat farið hraðar en ég er að bæta aðeins við og vonandi helst maður heill, er orðinn spenntur fyrir undirbúninginum fyrir hálfmaraþonið. En það þarf að halda vel á spöðunum til þess að maður fari skammarlaust í gegnum það. 

Fín styrktaræfing með skokkhópnum, Flott æfing og vel tekið á því, margir mættir. 

Skellti mér á hlaupaæfingu með skokkhópnum, mættir voru 44, ótrúlega góð mæting og það er janúar. En það var mikil hálka, því var farið rólega yfir, tekinn lítill hringur á völlunum og endað á grevigrasvelli Hauka, Þar voru teknir 8 sprettir yfir allan völlinn og skokkað rólega á milli, maður bætti svo við einhverjum svo aðeins við tók nokkra auka hringi. Endaði í cirka 6 km, þetta átti að verða aðeins lengra en eins og æfingin þróaðist þá var þetta bara fínt. 

Ég tók gamla vinalega vallarhringinn í dag, sléttur og góður og tekur vel á móti manni. Ég ákvað að prófa að gefa aðeins í og halda tempóinu undir 5 mín. tempó per km. þraukaði það í 2,5 km þannig að það er mikið verk fyrir höndum að ná úthaldi fyrir þetta markmið mitt að hlaupa 10 km. undir 50 mín. en það hefst vonandi. 

Jæja nú komst ég loks á æfingu, hún elskuleg móðir mín koma eldsnemma og passaði fyrir mig.  Fór á skokkæfingu hjá Skokkhópi Hauka og ætlaði mér bara að fara á stað og var ekkert ákveðin hvað ég myndi hlaupa langt, endaði á að taka 9,6 km á rúmlega 58 mín. og gekk óvenjuvel miðað við að hafa ekkert hreyft mig í 9 daga. 

Stefni á fyrstu æfingu ársins á morgun. Hlakkar til, ætla að taka 8-10 km hlaup bara hægt og rólega, enda ekki hreyft mig í 9 daga. 

Finnst þetta skelfileg tilhugsun en ég er ekki en byrjaður að hreyfa mig á nýju ári, því miður. En vonandi kemst ég út sem fyrst, ástæðan er að Eva er að vinna mikla yfirvinnu og kemur ekki heim fyrr en seint á kvöldin. Þannig að undirbúningurinn fyrir hálfmaraþonið hefst ekki fyrr en í næstu viku. Ætla samt að hlaupa báða dagna um helgina. Er kominn í fráhvörf.