Ég hef ekki notað þessa síðu mikið, hún hefur í raun legið í dvala frá því í vor.

Jæja nú styttist óðum í hlaupið og það er pínu spenna í manni, bæði kvíðinn og á sama tíma eftirvænting. Ég fer í þetta hlaup jákvæður og vonandi næ ég þessu markmiði mínu að hlaupa undir 2 klst. en ef það gengur ekki núna þá gengur það bara næst. 

Nú styttist óðum í hálfmaraþonið og ég er að gíra í þetta verkefni. Hef reyndar farið þessar vegalengdir en nú snýst þetta um tíma. En það markmið er að fara undir tvær klst, vonandi tekst það en þá verð ég að halda vel á spöðunum og vona að veðrið verði gott. Eins og spáin er núna þá lýtur út fyrir rigningu og smá golu, vonandi breytist þessi smá þegar nær dregur. 

Það var ekki beint spennandi veður þegar litið var út um gluggann á laugardagsmorgun, Rok og rigning og ég ætlaði mér að taka síðasta langa hlaupið fyrir hálfmaraþonið. Ég var nú tvístígandi þegar ég kom inn í Haukahúsið sleppti drykkjarbeltinu og tók einungis einn lítinn vatnsbrúsa. En það var lagt af stað og haldið upp Áslandsbrekkurnar, þar tók við Setbergshringurinn og við Eiríkur og Gísli Heiðar vissum svo sem ekkert hvert við ættum að skokka. 

Mars var flottur æfingarmánuður, gekk vel og hef næstum því verið algerlega meiðslalaus og bara sáttur við framistöðu mína, þó maður geti alltaf gert betur. 

Tók æfingarhring fyrir vormaraþonið eftir rúmlega 4 vikur. Fórum 15 saman úr skokkhópnum  og prufuðum leiðina. þetta er skemmtileg leið og ég mæli með henni fyrir þá sem ekki hafa farið hana. það er farið frá Elliðadal meðfram ströndinni vestur í bæ og endað við Ægissíðu. Flott og slétt leið, ekki mikið af brekkum. 

Það er ekkert svo mikið að frétta, ég dröslast eitthvað áfram og er en á fullu í undirbúninginum fyrir hálfmaraþonið sem verður 24. apríl. 

Jæja þá er ég búinn að klára fyrsta hálfmaraþonið mitt og rúmlega það. Fór með skokkhópnum, Ég fór með Kalla svila og við tókum flottan hring í Hafnarfirði, Álfanesi og Garðabæ. Hlaupið gekk nokkuð vel þó að ég hafi verðið þreyttur á köflum. Tók með mér pokasvala og svo fékk ég orkudrykki hjá Kalla. Þeir fóru vel í mig og hafa ábyggilega hjálpað mér síðustu kílómetara. Sem sagt kláraði ég hálfmaraþonið á 2:05:45 þannig og heildartíminn var 2:09:29 sem gerir rúmlega 10 km.meðalhraða. Veðrið var geggjað og það spilli ekki fyrir góðum degi og ég var bara aðeins mikið klæddur og dressa mig öðru vísi fyrir næsta hlaup. 

; font-family: Verdana, Geneva, sans-serif; font-size: 11px; ">Frábær æfing með skokkhópnum, nú var Ásfjallið tæklað og flottir brekkusprettir.
Sem sagt upp Áslandið göngustígurinn hjá Kríuás, og meðfram hverfinu, og niður meðfram og til baka hjá Þrastarás og niður Áslandið yfir í Setbergið og og upp bröttu brekkuna í setberginu, út á Kaldárselveg. upp í nýja Áslandið og upp þar og teknir 3 sprettir og upp með hverfinu og sömu leið til baka. Flott æfing. Ég tók vel á því og er sáttur við byrjun þessari hlaupaviku. Ég ætla að vera duglegur þessa viku. Nú er bara að láta verkin tala og ég stefni á gott hlaup um helgina og hálft maraþon á laugardaginn ef veður gott. Vonandi verð ég í góðu formi og tekst þetta ætlunarverk. 

Ég er sáttur við byrjunina á þessum mánuði. Ég hef ekki nennt að hlaupa úti í þessari ófærð því hef ég notast á við brettið í Hress. Þar er ég alltaf að auka hraðann og í gær setti ég persónulegt met í 5 km. hlaupi. hljóp það á 23.40 sem er svaka bæting hjá mér og í dag hljóp ég 10 km á 49.40 en það er nú ekki alveg að marka það því það er mun auðveldara að hlaupa á bretti en úti. En samt er þetta mikil bætinig frá því ég byrjaði. En það er samt alveg skelfilega leiðinlegt að hlaupa lengi á bretti og ég tek ofan á fyrir þeim sem geta hangið á því lengur en 60 mín. En maður  verður að notast á við þetta þegar færðin er eins og hún er núna. En ég ætla að fara lengra á laugardaginn. Vonandi verður veðrið betra en spáð er. 

Þetta var fínt æfingarmánuður. Ég hreyfi mig 25 daga af 28 dögum, það hlýtur að teljast góður árangur að gera eitthvað næstum því á hverjum degi í febrúar. Mjög ánægður með það.

; font-size: 12px; ">Hlaup með skokkhópnum, ákvað að taka bara 10 km, náði að klára hringinn á 60 mín. sem ég er bara sáttur við miðað við aðstæður. því færið var nú ekkert sérstakt og frekar erfitt að hlaupa og þetta tók  vel í, það var yndislegt þegar þessari baráttu var lokið, en maður hafði aldeilis gott að þessu. Hlaupið var frá Ásvöllum, Ásbraut, Strandgata, Norðurbakki, Hrafnista, Skjólvangur, Hjallabraut, Dalshraun, Helluhraun, Drangahraun, Álfaskeið, Mánastígur, Tjarnarbraut, Lækjargata, Strandgata, Ásbraut, Ásvellir. fín leið þó það sé ekkert sérstakt að hlaupa í iðnaðarhverfunum. Mannbroddarinir komu sér vel í þessari ófærð, nokkuð vindasamt og éljagangur. Nú kom Ipodinn sér vel, hélt manni við efnið. 

Fór á skokkæfingu með Haukahópnum, Var vel stemmdur og langaði aðeins að lengja hlaupið frá síðustu helgi, ég náði því og niðurstaðan var 19,63 km og mér vantar nú bara 1500 metra til þess  að klára hálfmaraþonið. Þannig að þetta er orðið raunhæft. Nú er það bara að halda sér við efnið og haldast meiðslafrír.

Er verulega sáttur við þessa viku, hélt góðum dampi alla þessa viku og hef reynt að hreyfa mig eitthvað á hverjum degi, nú er ég búinn að hreyfa mig eitthvað 18 daga í röð sem er örugglega persónulegt met. 

hérna koma nýjar myndir af kallinum, þetta var tekið um síðustu helgi. Ég er bara nokkuð sáttur, svona myndir hvetja mann áfram. og ég er hvergi nærri hættur.
Hérna koma myndirnar